شلة التعبانه

يرحب بكم معنا ..نتمنى لكم دوام التسهتسهه
 
الرئيسيةالبوابةالتسجيلدخول

شاطر | 
 

 الفرق بين مهند وشبابنا

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
مفهيه بتركيز

avatar

انثى عدد الرسائل : 52
تاريخ التسجيل : 28/08/2008

مُساهمةموضوع: الفرق بين مهند وشبابنا   الخميس أغسطس 28, 2008 2:13 am

في الحقيقه والواقع .. المقارنه ثقيله على كبد الشباب .. لكن هذا شي ( لابد ) ان يكون ..

عشان شبابنا المحترمين .. دايما كانو يقارنون بنات الخليج بـ هيفا ونانسي و رولا وغولا وغوريلا ..

لكن جا الوقت اللي لازم يشوفون الحقيقه بعيونهم الاربع

- مهند -

يرجع من الدوام في الشركة .. يروح لـ نور .. يبوس راسها .. وبحنان يحضنها .. الللله يا حلاتهم

عصافير ..

يقولها :

( وحشتيني .. ما بـقدر اتحمل بُعدك عني ! بكفــي 8 ساعات بالشركة ما بشوووفـك ..! )


- شباب الخليج -


يرجع الخليجي من الدوام .. يروح لـ زوجته .. ويهه مكشر صايدته الشمس .. يدش على زوجته لا سلام

ولا كلام ..

يفصخ هدومه ويحذفهم على السرير او على الشماعة .. ويزيد على برودة المكيف ويقول لزوجته :


( بسرعه حطي الغدا ميت يوووع .. المدير ذبحني بالشغل الله ياخذه ! بسررررررررعه حطي الغدا ما

تشوفيني تعبان وابي اكل وانام ؟؟ )

ياجماعه لاحظوا انه راجع البيت في هالرطوبه واللاهوب والحر مو مثل مهند راجع في البراد


- مهند -


نور حامل .. يا الله على الدلع ! خايف عليها من نسمة الهوا .. ويقولها :


( كلّي حبيبتي مشانك ومشان ابننا ! وديري بالك على صحتك .. وما تزعلي ابـــداً مشان البيبي ما يزعل

منــــووووووب )



- شباب الخليج -


مرت الخليجي حامل ! ومسكينه الحرمه متنسيه بـ تفاح اخضر .. عاد يقولها :


( اووووووووفففف !! شوفي لا اتنسين فوق راسي !! بلعي تفاح احمر وانتي ساكته .. مو لازم اخضر !

اهو كله تفاح .. لا اتفلسفين علي )



مو كله تفاح ياناس ..

- مهند -


مهند طالع مع نور السوق .. يشترون لهم هدوم .. ودار الحوار التالي :

نور : حبيبي .. شو رايك بالفستان الاحمر .. حلو مو ؟!

مهند : أيـــــــه ! حلو كتير .. بس لو لبستيه بيجنن اكتر .. انتي بتحلّي الفستان !

نور ( مستحيه ) : بحبـــــــــــك .. دخيلك منين جايب كل هالغزل هااد ؟

مهند : دخيلك انتي ! تؤبرنـــي ابتسامتييك شو حلوه !


- شباب الخليج -

الخليجي طالع مع زوجته السوق .. ما دار بينهم حوار .. ليش ؟!

لان اهو يمشي قدام .. وهي وراه تركض ..

وكل اللي قاله ( بسرعه خلصي .. ابي ألحق على ديوانية الربع ) !




معليش عاد هذي صدق

ترى شبابنا مايحبون يلفون في السوق ( مع أهلهم )



مهند -

قام من النوم نص الليل .. ما شاف زوجته يمه .. جان يخاف .. راح يدورها ويحاتيها .. ويوم لقاها

رايحه تشرب ماي بالمطبخ .. قال لها

( لِـــك ! شغلتي بالي عليكــي .. وين كنتي ؟! بتشربي ميّ ؟! بالهنا حبيبتي مطرح ما يسري يمري )


- شباب الخليج -

قام من النوم نص الليل .. ما شاف زوجته يمه .. فتح الليتات .. قام يصارخ :

( فطووووووووووووم ويهـــــــد .. فطووووووووووووم وطاعون .. فطووووم كسر ان شاء الله .. وينج

انتتتتتتتي ؟؟!! خليتي باب الدار مفتوح نص سنتيمتر .. وهوا المكيف كله طلع برا وصار حرررر .. ما

تحسين .. دمج بارد .. الله ياخذ اليوم اللي فكرت اخذج من اهلج فيه )



بصراحه مايسوى عليها طلعت من الحجره

..

- مهند -

قاعد يقرا كتاب .. وفجاه ياته نور .. لابسه فستان يديد .. وصار هالحوار ..

نور : حبيبي شو رايك بالفستان الجديد ؟!

مهند : بيجنن عليكي ! اخذ من جمالك قطعـــه ..


- شباب الخليج -

قاعد يطالع مباراه ريال مدريد وبرشلونه .. خو شبابنا مو مال كتب وثقافه !

و زوجته مستانسه بالفستان اليديد .. تبيه يشوفها .. طافت جدامه عشان يشوف .. وصار هالحوار :

الخليجي : قوووووووووووومي قامت ركبّج وما اقعدت ! ما تشوفيني اطالع المباراه ؟!

الزوجه : حبيبي شفيك .. كنت ابيك تشوف فستاني اليديد .. شرايك ؟!

الخليجي : وجذي تخربين علي المباراه .. ما شفت حركة رونالدينهو الحين طافتني كله منج !

الزوجه : انزين عاااد .. شرايك بالفستان ؟!

الخليجي : شالموضة الخايسه اللي طالعين فيها انتو يالبنات ؟! هذا فستان بذمتج ؟! لو لابسه خيشة

البصل وايد احلى .. مخصره خيشة البصل ما تفرق !!


هذي كسرت خاطري

بعدين هم مالهم في سوالف الموضه ولا يعني شايفته مقابل فاشن تي في عشان تسألينه






طبعا الفروق لو بقعد من الصبح للحين .. ما راح اخلص ..

لان 180 درجه فرق .. بس وش نسوي .. الله كاتب لنا اننا نجابل شبابنا

ونحتسب الاجر عند الله ..


الله ياجركم يا بنات الخليج ..

صدقوني .. كله اجر وثواب ..



انتهى



ترى الموضوع مجرد مزح

يعني لا احد يجي يمدح في شبابنا لان مايحتاج
منقووووووووووووووول
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
الفتاة التي كويسه
عضو نشط
عضو نشط
avatar

عدد الرسائل : 212
تاريخ التسجيل : 26/08/2008

مُساهمةموضوع: رد: الفرق بين مهند وشبابنا   الخميس أغسطس 28, 2008 7:44 am

هههههههههههههههههههههههههههههههههههههههههههههههههههههههههههههههههههههههه

يلا شباب كل واحد يروح يجدع على مرته الكلمات حقات مهند بس مو تنقلونهم بعد بنفس اللهجه ..
ولا تحاولون تخطمون على حقات عيال الخليج ..
لو سويتها مرتك بتشوتك..

مافيه مققااارنه مهند ويحيى ..
I love you

عشان طبعا يحيى احسن ولا فرق ..
وه وه بس
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://mrgdsa.ahlamontada.net
أمير بكلمتي
عضو نشط
عضو نشط
avatar

ذكر عدد الرسائل : 462
تاريخ التسجيل : 27/08/2008

مُساهمةموضوع: رد: الفرق بين مهند وشبابنا   الخميس أغسطس 28, 2008 3:08 pm

هههههههههههههههههههههه

مشكوووورة مفهيه بتركيز
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
فديتك سامي
المدير العام
avatar

ذكر عدد الرسائل : 627
تاريخ التسجيل : 26/08/2008

مُساهمةموضوع: رد: الفرق بين مهند وشبابنا   السبت سبتمبر 20, 2008 10:27 am

ههههههههههههههههههههههههههههههههههههههه

مشكوووووره
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
الفرق بين مهند وشبابنا
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
شلة التعبانه :: [..منتديات شبابنا..] :: شبابنا-
انتقل الى: