موظف اتصالات لايفوتكم؟؟؟؟؟؟؟؟؟؟؟

شوفوه هالموظف المسكين وهو يستقبل مكالمات المشتركين لا وكان تعبان وزهقان ومزاجه مش ولابد والمايك معلق على رأسه ...

المكالمة الأولى : شايب كبير السن
الموظف : الو ..استعلامات الدليل محمد الــ......, مرحبا
المواطن : الو .. ممكن لو سمحت تعطيني رقم عبد الله فهد سعد
الموظف : وين ساكن اخوي لو سمحت
المواطن : ساكن هنا قريب منا .
الموظف : وين قريب منكم بالضبط .
المواطن : يخوي هنا جنبنا جارنا ماتعرفون رقمه .
الموظف : ياعزيزي أنا مداري أنت وين بعد .
المواطن : أقول والله ماعندك ماعند جدتي بس .
طوط طوط انقطع الخط


المكالمة الثانية : صوت ناعم
الموظف : الو ..استعلامات الدليل محمد الــ......, مرحبا
الصوت الناعم : هلا اخوي ممكن تعطيني رقم بيتزا هت بس مابي فرع النسيم دايم تعطوني إياه
الموظف : أي فرع تبغون رقمه .
الصوت الناعم : تدري ايش فيه فرع النسيم بايخ لآن البيتزا حقتهم توصل بارده .. وبعدين شكلها خبز تميس .
الموظف : بيموت من الضحك بس ساكت ... طيب خذي فرع العليا اجل
الصوت الناعم : ياخي ليه ماتضحك .. لايكون أنت صاحب بيتزا هت ..مالت عليكم وعلى دمك .
طوط طوط انقطع الخط



المكالمة الثالثة : طفل يرفع الضغط
الموظف : الو ..استعلامات الدليل محمد الــ......, مرحبا
الطفل : الووووووو عطني رقم وشسمه ..هذا..وشسمه ياربي .. أيه ... حمود بادي فرج
الموظف : طيب خذ رقمه ؟؟؟؟؟؟؟؟؟؟
الطفل : لحظه أبي رقم ثاني بعد . أبي رقم هذا وشسمه ... مانع فالح سامي الموظف : طيب خذ رقمه ؟؟؟؟؟؟؟ (ممنوع أكثر من اسم في مكالمة)
الطفل : طيب أبي واحد ثاني هذا رقم أبو نادر عمي سعد .
الموظف : اتصل مره ثانيه لأنه ممنوع أكثر من رقم في اتصال واحد .
الطفل : أقول وجع .. يوجع بطنك ( ألفاظ وي وي ماتنقال ).. ترى مالك فضل ... أنا ماكلمك مجاني اكلم بريالي .
الموظف : يخرج من طوره ( أقول اسمع ............. طوط طوط قفل الخط



المكالمة الرابعة : كانت صوت ناعم
الموظف : الو ..استعلامات الدليل محمد الــ......, مرحبا
الصوت الناعم : عوافي اخوي .
الموظف : الله يعافيكم يارب ........ ( أول مره احد يعطيه روح معنوية)
الصوت الناعم : لا أنا قصدي أبغى مطعم عوافي اللي في العليا .
الموظف : طيب خذي الرقم ؟؟؟؟؟؟؟؟؟؟؟؟؟



المكالمة الخامسة : كانت صوت ناعم أوي
الموظف : الو ..استعلامات الدليل محمد الــ......, مرحبا
الصوت الناعم : مرحبا اخوي ممكن تعطيني مستشفى العيون للولادة .
الموظف : كيف ..؟؟؟؟؟
الصوت الناعم : مستشفى العيون للولادة .. تسمع وإلا اصمخ .
الموظف : وده يكفخها بس المكالمة مسجله طبعا ( هذا رقمه غير معلن ) .
الصوت الناعم : طيب ظف وجهك .
طوط طوط انقطع الخط .



المكالمة السادسة : كان صوت ناعم.. بنت
الموظف : الو ..استعلامات الدليل محمد الــ......, مرحبا
الصوت الناعم : هلا اخوي ممكن تعطيني رقم صيدلية السقاف
الموظف : تفضلي الرقم ؟؟؟؟؟؟؟؟؟
الصوت الناعم : لا لا لا هذا رقم صيدلية السقاف اللي في الروضة
الموظف : طيب ايش فيها .
الصوت الناعم : ماهي زينه ... مايبيعون إلا فقس ..
طوط طوط انقطع الخط .



المكالمة السابعة : كانت فتاه أيضا
الموظف : الو ..استعلامات الدليل محمد الــ......, مرحبا
الفتاه : عيوني.
الموظف : بلا هالكلام ايش تبغين .............(عشان المكالمة مراقبه).
الفتاه : لا أنا ابي محل عيوني للعدسات والنظارات اللي في التحليه .
الموظف : ايش اسمه.. عيوني ؟!
الفتاه : لا مو عيونك عيوني أنا ياعيوني .
الموظف : خذي رقمه ؟؟؟؟؟؟؟؟
الفتاه : طيب شكرا لعيونك اللي كنها عيون بقره ...ههههههههههههههه عندها بنات يضحكون .

الموظف طلع وترك الدوام .وراح يشرب عصير ليمون

مااااااااا اقووووووول إلا الله يعينهم ......

موضوع ممتاز

فديتك سامي

مشكووووووور على المرور
ـــــــــــــــــــــــــــــــــــــــــــــــــــــــــــــــــــــــ

مفهيه بتركيز

الله يسلمك

هههههههههههههههههههههههه

والله من جد الله يعينهم ..

يسلمو امير بكلمتي على موضوعك الحلو ..

تقبل مروري ..

ههههههههههههههههههههههههههههههههههههههههههههههههههههههههههههههههههههههههه


حلووه ياامير شكلك انت الموظف هذا ههههههههههههههههههههههههههههه

مشكوور اخوي على موضوع الراائع والله عجبني الصرااحه ههههههههههههههههههههههه